Alkitab Lani wone (ALW)

Minggu, 04 Juni 2023

ALA UNDE 5

1Yoge nagagerik, wone ambinom yoraawak nduk, Muta yoge logonet, “Ne ambi paga aap ambi maluk eeke me, aap alik ambi nen enegen kage, aruk konengge, eeremenggerak eenu wonage kagak, aap maluk eeremenggerak nogo owak loonggo logonet, aap eenu nogo woraawak nduk, ayonggo pemenggaarak kwe, Ndogop kagarak, yinuk, paganogo yori woroorak eebi mbake kenok ti, maluk aret me, at kunduk maluk onggo puwak o.

2Ndi, ne ambi paga aap ambi nen yi mendek ndi mendek inigen mbolok kwi penaame mendek ilik, inigen waanggo oome mendek a, inaanogum paga nugu menggaarak mendek a, abok aret ineebe mbaaniyoorak mage yugu kagak, kambemenggaarak enegen kaga'lek logonet, mbaaniyamenggerak paga obari oba lenggenemenggerak nogo paga eebe maluk aret aremenggerak kenok, Yi maluk aret eekirak kagi, mbaruwak o.

3Ndi, aap ambi nen liippega'lek logonet, aakumi inoona mendek mbaanggoorak mage yugu nogo mendek mbaanggage kenok, at oba obari aret lenggembunuk, eebe maluk aremenggerak me, eenu age logomenggerik, Yi maluk aret eekirak kagi, mbaruwak o.

4Ndi, aap ambi nen obeelom eeppiyoorak a, maluk eeppiyoorak a, nano mendek eeriyak abok aret iniki liippega'lek kagak, Abet aret eerigin o, yinuk, kumbuk mbanogo punuk, ugun wonage me, Kat yagandak nogo nonggop o? yogwi iinok, aap nogo nen mbake logonet, An yagarak ndak-ndak eerulik me, maluk aret eekirak kagi, mbaruwak o.

5Eeriyak abok aret yagarak ti, aap ambi nen eeke logomenggerik kenok, An maluk ndogop aret eekirak o, yinuk, pagangge kenok, 6omaluk lek eerogo pikit nduk, ndomba kooli a, kambin kooli a, warogo at maluk eeremenggerak nogo onggo Naliku ALA nake pi woraawak o. Pi wage kenok, omaluk lek eerogo punuk, nimbirak lambunik logokit nduk, aap an neebe unde nen nggami aanggo wakwi negen aret eeruwak o.

7Togop eeriyak kwe, at maluk eeremenggerak onggo kambin-ndomba Naliku ALA wo'niriyak eebe lek kenok ti, omaluk lek eerogo pikit nen towe puume mbere ilik, towe kurona mbere a, wonok pi wage logomenggerik, towe ambi omaluk lek eerogo puwak nduk pugwi nogo mendek pege, ndi, towe ore nogo nake warogo kani kunuwak nduk pugwi nogo mendek pege, eeruwak o.

8Ti eerogo pege kenok, aap an neebe unde nen omaluk lek eerogo puwak nduk, towe ake punogo pemenggerak nogo aa'nduk enggaanok nggaruk togon mbangga'lek we uut nggubunogo pege logomenggerik, 9omaluk lek eerogo puurak amiya ti, ando waganogo nake warogo kani kunggo menggam ndoonak eraaninu paga werenogo punuk, amiya apit nogo nake warogo kani kunggo menggam abu'me taati kilirogo puwak o. Ti eeko logorak nogo ti, omaluk lek eerogo puwak nduk, nake warogo pogo logorak ti aret. 10Ti eerogo punuk, towe ore nogo nake warogo kani kunggo logonet, Togop eeriyak o, yinuk, wone yugu ndak-ndak aret warogo kani kungge kenok, aap maluk eeremenggerak nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi negen aret eeruwak o.

11Ndi, amendek towe puume mbere ilik, towe kurona mbere a, wonage lek kenok, at maluk eeremenggerak nogo lek eerogo pikit nduk, an nake gandum anggen abu obeelom yigirik 2 liter negen aret pi woraawak o. At omaluk lek eerogo pikit nduk, nake puurak aret me, amburu obaga labungge, kani kunggwi iinok, obari abe kaga nogo obaga yumbunogo pege, eeriyak mage o. 12Gandum anggen yigirik wonok woramenggerak nogo aap an neebe unde nogo nen ne ambit eenggime woppunuk, Aap maluk eekerak omaluk yi, lek eerogo puurak ake o, yinuk, kani kunggo menggam alik mendek nake kani kunuwak nduk, pi woramenggaarak wonage nogo inom yumbunogo punuk, Naliku ALA nake kani kunuwak o. Ti eeko logorak ti, omaluk lek eerogo puwak nduk, nake pogo logorak nogo ti aret.

13Ndi, aap ti maluk eeremenggerak nogo an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi negen eekwi iinok, omaluk lek eerogo puurak nogo ti aret. Yi mendek ndi mendek anggen yigirogo nake pogo logonet, eeko mengga kwak, aap gandum anggen yigirik pi woramenggerak ando ndiinik nogo ti, aap an neebe unde ake aret teppogo logowak, yegerak, yoret o,” yinuk, yoreegerak.

Ala ake pugu lalembunuk, abe'nagak eeke kenok, lek aruwak nduk, obaane'me pi woroorak wone

14Yoge nagagerik, at Aliku ALA nen Muta yoge logonet, 15“Aap ambi nen, Yi Ala ake pugu, eenggo'lek me, yale-pale eerogo pege kenok ti, maluk aret me, an nawooliya wurik me onggo, Mbuti perak ndogop puurak o, yinuk, koonak wonage nogo ndak-ndak aret ndomba ngguunok awinde-obaande eerak lek amuni mbanak kenok Naliku ALA nake pugu lalenemenggerak nogo obaane'me pi woraawak o. Ti eeko logorak nogo ti, nake pugu lalenemenggerak nogo maluk aret me, maluk ti, aberak logokwak, lek eerogo pikit nduk, obaane'me pogo logorak ti aret. 16Aap ti nen an nake leenogo pugu lalenemenggerak nogo obaane'me pi wage logonet, ambi seperlima inom oba lunogo wonok, aap an neebe unde wogora wage kenok, aap an neebe unde nen nake leenogo pugu lalenemenggerak obaane'me ndomba pi woramenggerak nogo aap ti nimbirak lambunikit nduk, nggami aanggo wakwi negen nake warogo pege kenok, omaluk ti lek eerogo pigin aret o.

17Naliku ALA nen, Yogop eeriyak, ndogop eeriyak, wone yoragagirak nogo aap ambi nen eenggo'lek ugun logonet, lalengge kenok, at maluk aret eeremenggerak me, aaninggin at oba aret logowak o. 18At oba aret wonage me, noone taganogo punuk, maluk eeremenggerak nogo lek eerogo pikit nduk, onggo aanggumi kambin-ndomba ngguunok ambi awinde-obaande eerak lek amuni mbanak, Onggo ndogop puurak, yugu nogo ndak-ndak aret wonok aap an neebe unde wogori wage kenok, at eenggo'lek ugun logonet maluk eeremenggerak nogo lek eerogo pikit nduk, noone taganemenggerak onggo pi woramenggerak nogo nimbirak lambunikit nduk, aap an neebe unde nen nggami aanggo wakwi negen nake warogo puwak o. Nake warogo pege kenok, an nen aap ti omaluk lek eerogo pigin o. 19Ti eeko logorak nogo ti, Naliku ALA nake leenogo pugu yale-pale eeremenggerak nogo maluk aret me, lek eerogo pikit nduk, obaane'me nake pi wogo logorak nogo ti aret o,” yinuk, wone lengganogo Muta yoreegerak.

ALA UNDE 4

Inomaluk lek eerogo puwak nduk, Ala ake warogo wogogo logorak wone

1At Aliku ALA nen Muta yoge logonet, 2“Naliku ALA nen, Yogop eeriyak mage, ndogop eeriyak mage, yoragagirak nogo it Iterali ambi nen ineenggo'lek logonet, maluk eekwi iinok, eeko logorak wone it aakumi Iterali yoroorak nogo yi aret o.

3It an neebe unde inowe amburu oba kilippemenggerak nogo nen maluk eeremenggerak paga aakumi Iterali inoba arumenggerak me, at maluk eeremenggerak nogo omaluk lek eerogo pikit nduk, Naliku ALA nake tapi ngguunok awooluk awinde-obaande eerak lek amuni mbanak kenok mban wonok, 4an ninom lambungge minggim nawooliya wurik me tu unggwogo menggam nenggaanom paga taati pi wage logomenggerik, nake puurak nogo anobak paga eenggi tebenogo punuk, Naliku ALA nenggaanom paga waruwak o. 5Wake kenok, aap an neebe unde nogo nen amiya nogo wonok an ninom lambungge minggim nawooliya wurik inikime time unggwi nanuk, 6amiya nogo eenggi paga labungge logomenggerik, o mage lombok minggim aken nggwe kagak, yum tugunik endekem nggwe Naliku ALA nenggaanom paga taati ne 7 kuli werenogo pit nawak o. 7Pit nage logomenggerik, amiya ando waganogo an ninom lambungge minggim nawooliya wurik me nenggaanom paga obari abe kani kunggo menggam eyo owak mippugu irip-irip to eerak agi paga labunogo punuk, amiya ando apit nogo waganogo an ninom lambungge minggim nawooliya wurik tu unggwogo menggam endekem nggwe nake warogo kani kunggo menggam abu'me time kilirogo puwak o.

8Kilirogo pege kenok, aap an neebe unde maluk eeremenggerak nogo nen tapi ngguunok nake kani kuniyak warak nogo, aanogum paga nabenak agaraarin inom, aan paga mendek amok inom, 9-10apenggen inom, ape amok inom, ogogun inom, Ala nimbirak lambunikit o, yinuk, tapi warogo amok leenogo an nake kani kunggo mengga kwak, togop aret amok abok leenogo pege kenok, aap an neebe unde nen kani kunggo menggam kani kunuwak o. 11Kani kumbunuk, tapi ngguunok nogo agabolo inom, eebe mbanak inom, anobak inom, aawi-obaak inom, aanagale inom, 12abok aret wonok owa'nagat wurik endekem wundi nage logomenggerik, wun mbo pi nogo menggam magame nogome eebe apit aret kani nawak nduk, kumbuwak o.

13Ndi, Naliku ALA nen, Yogop eeriyak mage, ndogop eeriyak mage, yoragagirak nogo it aakumi Iterali wonogwe abok aret nen ineenggo'lek logonet eekwi iinok ti, maluk aret eeremenggaarak me, 14Nit maluk aret eekoorak kogo o, yinuk, ineenu ogo logomenggaarik, inomaluk lek eerogo piyaakit nduk, tapi ngguunok awooluk ambi wonok an ninom lambungge minggim nawooliya wurik me tu unggwogo menggam pi wogo logomenggaarik, 15it aakumi Iterali inoweewi nogo nen Naliku ALA nenggaanom paga tapi ngguunok nogo anobak ineenggi tebenogo punuk, nenggaanom paga waruwak o. 16Wakwi iinok, it an neebe unde inowe amburu kilippemenggerak nogo nen tapi amiya ando wonok ninom lambungge minggim nawooliya wurik inikime unggwi nanuk, 17amiya nogo eenggi paga labungge logomenggerik, yum tugunik eraaninu endekem nggwe Naliku ALA nenggaanom paga ne 7 kuli werenogo pit nawak o.

18Pit nage logomenggerik, amiya ando waganogo an ninom lambungge minggim nawooliya wurik me nenggaanom paga obari abe kaga kani kunggo menggam eyo owak mippugu irip-irip to eerak agi paga labunogo punuk, amiya ando apit nogo wonok an ninom lambungge minggim nawooliya wurik tu unggwogo menggam abu'me time kilirogo puwak o. 19Kilirogo pege kenok, aap aanggo unde nen tapi warak amok leenogo pemenggerak nogo aap an neebe unde nen kani kunggo menggam kani kunuwak o. 20Kani kumbunuk, tapi ngguunok eebe nogo eeriyak ti, aap ambi nen maluk eeke kenok omaluk lek eerogo puwak nduk, tapi ngguunok eeriyak yagarak togop nogo aret eeruwak o. Ti eeko logorak nogo ti, an nen inomaluk lek eerogo piinok, ninom lambunik logokit nduk, aap an neebe unde nen nggami aanggo wakwi kwak eeko logorak nogo ti aret.

21Ndi, tapi eebe nogo apit aret waganogo owa'nagat wurik endekem nggwe nogome pi nage logomenggerik, inomaluk lek eerogo piyaawak nduk, aa'nduk tapi eeremenggerak nogo ndak-ndak aret kani nawak nduk, kumbuwak o. Ti eeko logorak nogo ti, aakumi Iterali wonogwe abok aret inomaluk lek eerogo piyaakit nduk, an nake warogo pogo logorak nogo ti aret.

22Ndi, aap inowe wone koongga ambi nen Naliku ogoba Ala an nogo nen, Yogop eeriyak mage, ndogop eeriyak mage, yoragagirak nogo eenggo'lek logonet, eeke kenok ti, maluk aret me, 23iniki nen, Ti maluk aret eekirak kagi, mba'nuk, eenu age logomenggerik, omaluk lek eerogo puwak nduk, kambin ngguunok awinde-obaande eerak lek amuni mbanak ambi wonok 24an nake warogo kani kunggo menggam pi woraanuk, Naliku ALA nenggaanom paga taati kambin nogo anobak eenggi tebenogo punuk, waruwak o. Ti eeko logorak nogo ti, omaluk lek eerogo pikit nduk, nake warogo pogo logorak nogo ti aret.

25Ti eeke kenok, omaluk lek eerogo pikit nduk, aap an neebe unde nogo nen kambin warak amiya nogo eenggi paga ando wonok nake kani kunggo menggam eyo owak mippugu irip-irip to eerak agi paga labunogo punuk, amiya apit nogo waganogo nake warak kani kunggo menggam abu'me time kilirogo puwak o. 26Pege logomenggerik, amok nogo abok aret an ninom lambunik logowak nduk, nake warogo wo'nogo logonet, amok kenok kani kuniyak yagarak nogo ndak-ndak aret eerogo punuk, kani kunggo menggam kani kunuwak o. Ti eeko logorak ti, aap nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi kwak eekwi iinok, omaluk lek eerogo puwak nduk eeko logorak nogo ti aret.

27 Ndi, Naliku ALA nen, Yogop eeriyak mage, ndogop eeriyak mage, yoragagirak nogo aap ambi we ugun mendek nen eenggo'lek logonet eeke kenok ti, maluk aret me, 28iniki nen, Ti maluk aret eekirak kagi, eenu age logomenggerik, omaluk eeremenggerak nogo lek eerogo puwak nduk, kambin kooli awinde-obaande eerak lek amuni mbanak kenok mban wonok 29an nake warogo kani kunggo menggam pi woraanuk, omaluk lek eerogo puwak nduk, kambin wariyak nogo anobak eenggi tebenogo punuk, waruwak o. 30Warogo pege kenok, aap an neebe unde nen kambin amiya nogo ando eenggi paga wagangge logomenggerik, nake kani kunggo menggam eyo owak mippugu irip-irip to eerak nogo paga labunogo punuk, amiya apit nogo waganogo kani kunggo menggam abu'me kilirogo puwak o. 31Ndi, amok nogo abok aret an ninom lambunik logowak nduk nake warogo wo'nogo logonet, amok kenok aap aanggo unde nen leenogo puurak yagarak nogo ndak-ndak leenogo pege kenok, aap an neebe unde nen Naliku ALA nake kani kunggo menggam kani kunemenggerak obari abe kage logonet, niniki ale'nggen kaakit nduk, kani kunuwak o. Ti eeko logorak ti, aap nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi kwak eeke kenok, omaluk lek eerogo puwak nduk, eeko logorak nogo ti aret.

32Ndi, aap ambi nen, Nomaluk lek eerogo panuwak o, yinuk, ndomba ambi an nake pi woroorak mbake kenok ti, ndomba kooli awinde-obaande eerak lek amuni mbanak kero wonok, 33an nake warogo kani kunggo menggam pi wage logomenggerik, omaluk lek aruwak nduk, ndomba wariyak nogo anobak eenggi tebenogo punuk, waruwak o. 34Wake kenok, at aap ti, omaluk lek aruwak nduk warak amiya nogo aap an neebe unde nen eenggi paga ando woppunuk, nake warogo kani kunggo menggam eyo owak mippugu irip-irip to eerak agi nogo paga labunogo punuk, amiya apit nogo waganogo kani kunggo menggam abu'me time kilirogo puwak o. 35Kilirogo pege logomenggerik, amok nogo abok aret an ninom lambunik logowak nduk, ndomba nake warogo wo'nogo logonet, amok kenok aap aanggo unde nen leenogo puurak yagarak nogo ndak-ndak leenogo pege kenok, aap an neebe unde nen amok leenak nogo alik mendek nake kani kuniyak nduk, kani kunggo menggam pi woramenggaarak wonage nogo, inom lambunogo kani kunuwak o. Ti eeko logorak ti, aap nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi kwak eekwi iinok, omaluk lek eerogo puwak nduk, eeko logorak nogo ti aret, yegerak, yoret o,” yinuk, yoreegerak.

PRINSIP UFM

24 May 2015

PENDOMAN PRINSIP UFM : IT UFM INIYOK MABIN PUGU WONE

What We Believe.

At Crossworld, we believe that doctrine is important. Doctrine is not personal opinion; it is the understanding of what Scripture teaches as a systematic bodyof truth upon which the mission stands.

Apa yangKita Percaya. PadaCrossworld, kami percaya bahwadoktrin itu penting. Ajaranini tidakpendapat pribadi; itu adalahpemahamantentang apa yang di ajarkan Alkitab sebagai badan sistematis kebenaran yang di atasnya berdiri misi.

NIT NANO ABET MBAKO LOGORAK.

it Misi Kroswold nen Doktrin Alkitab ti mondok iya Tiyanak aret mbako monggoorak-o. ndi, Doktrin Alkitab yi nogo ti, aakumi inalitak iniki mbakwi mendek mbanak wonage lek-o, Ata, Ala wone mbanak paga nen ari nogo ti, mondok tiyanak omaawi ambik wonage me, nit Misi UFM nogo Niniyok mabin ti paga mban punuk wonogo monggoorak-o.

1. SCRIPTURE

We believe in the divine, verbal, plenary inspiration and the inerrancy and historical infallibility of the original Scriptures, and their supreme authority for faith and practice. John 10:35; 2 Timothy 3:16, 17; 2 Peter 1:20, 21

1.KITAB SUCI
Kami percaya padailahi, verbal, inspirasi pleno dan ineransi dan infalibilitas sejarah Kitab Suci asli, dan otoritas tertinggi mereka bagi iman dan perbuatan. Yoh 10:35; 2Timotius 3:16, 17; 2Petrus 1:20, 21

I. ALA YEREEGERAK WONE LIRU MBANAK WONE.

Nit abet mbakwinogoti, Nit Ala wone Liiru mbanak abok aret mbeyok arilik aa’me nggelok mban eeke menggerak me, At omaawi tiyanak ti paga aakumi inikime lalin eeppinet nage menggerak ti paga Niniyok panggo mbogo monggoorak. Yoh 10:35; 2Timotius 3:16, 17; 2Petrus 1:20, 21

2. GOD.

We believe in one God, the creator of all things, eternally existing in three persons, Father, Son, and Holy Spirit. Genesis 1:1; Deuteronomy 6:4; Matthew 3:16; 2 Corinthians 13:14

2. ALLAH.
Kami percaya pada satu Tuhan, pencipta segala sesuatu, selalu ada tapi dalam tiga pribadi, Bapa, Anak, dan Roh Kudus. Kejadian 1:1; Ulangan 6:4; Matius 3:16; 2Korintus13:14

2. ALA.

Nit Misi Kroswol UFM nen abet mbakwi nogo ti, Ala ti ambire lek ambiret mban aret wonage. Ndi, Mbogut inom nggween inom, yi mendek ndi mendek nggween paga wonage abok aret At nen mban wakkagaagerak. Ndi, Ala inom, Aput Yetut inom, Aberiniki inom, it ineebe ambit Ala mban aret nit abet mbako monggoorak-o.

3. JESUS CHRIST.

We believe that Jesus Christ was begotten by the Holy Spirit and born of the Virgin Mary and is true God and true man. Matthew 1:22, 23; John 1:1, 2, 14; Philippians 2:6, 7; Colossians 1:15-20

3. YESUS KRISTUS.
Kami percaya bahwaYesus Kristus diperanakkan oleh Roh Kudus dan lahir dari Perawan Maria dan adalah Allah sejati dan manusia sejati. 1:22, 23; Yohanes 1:1, 2, 14; Filipi 2:6, 7; Kolose1:15-20

3. YETUT KERITUT.

Nit Misi Kroswold nen abet mbakwi nogo ti, Ninuwe Yetut-Keretut ti Aberiniki paga nen ndarak. At Kwe Mariya aap awo agap mbangga’lek paga Napi wagagerak nogo, Ala aput abu alik leenak paga inom, aakumi inaput alik leenak paga inom, nda’nagagerak ti abet aret mbako monggoorak.

4. SALVATION.

We believe in the necessity of the substitutionary death of Christ and that all who believe are justified on the basis of His shed blood and, therefore, have the assurance of their eternal salvation. John 1:12, 13; Acts 16:31; Romans 3:21-25; Ephesians 1:7

4. DISELAMATKAN.

Kami percaya pada perlunya kematian penebusan Kristus dan bahwa semua orang yang percaya dibenarkan atas dasar darah gudang-Nyadan, karena itu, memiliki jaminan keselamatan kekal mereka. Yohanes 1:12, 13; Kisah Rasul 16:31; Roma 3:21-25; Efesus 1:7

4. NINAGAP NDAREEGERAK.

Nit Misi nen abet mbakwi nogo ti, Nit ninomaluk paga Ala ninom lambuiniyak meya, Ala ninom ogoorak wonogwe nogo ninom lambumbinaniyak nduk, at Keretut ninobaani’me eyo Karo-karo paga kangge logonet, Amiya kilireegerak nogo, an nake aret eereegerak-o, yinuk, aakumi inalitak nen iniki at oba panggombunuk abet mbakwi iinok, Ala owagam op aret unggwi noorak ti nit abet aret mbako monggoorak.

5. MAN.

We believe that man was created in the image of God and that he sinned, thereby incurring not only physical death but also spiritual death which is separation from God. We believe in the total depravity of man and the absolute necessity of the new birth for individual salvation, which results in a new man within. Genesis 1:26, 27; Romans 3:10-23; Ephesians 2:1, 2; 2 Corinthians 5:17.

5. MANUSIA.

Kami percaya bahwa manusia diciptakan menurut gambar Allah dan bahwa ia berdosa, sehingga menimbulkan kematian tidak hanya fisik tetapi juga kematian rohani yang terpisah dari Allah. Kami percaya pada kerusakan total manusia dan kebutuhan mutlak dari kelahiran baru bagi keselamatan individu, yang menghasilkan manusia baru di dalam. Kejadian 1:26, 27; Roma 3:10-23; Efesus 2:1, 2; 2 Korintus 5:17.

5. AKUMI.

Nit Misi nen abet mbakwi nogo ti, At Ala nen at ogut atenggen wakkagak aakumi ogobakkigit ninabegerak kwe, Ninalom Arom nogo Maluk eereegerak paga Ala ninom lambunik wonogogurak nogo ogo’nagagerak me, ninom lambumbinaniyak nduk, At Yetut ninake eyo Karo-karo paga kangge logonet Amiya kilireegerak ti paga ninomaluk lek eerogo punuk, Ala ninom lambunogo pinaneegerak me, iniki at oba panggombunuk abet mbakwi iigak, niniki ngget ndake menggerak ti, nit abet mbako monggoorak-o.

6. HOLY SPIRIT.

We believe in the regenerating, indwelling, sealing, and sanctifying work of the Holy Spirit, who baptizes each believer into the body of Christ upon his acceptance of the Lord Jesus Christ as Savior. The Holy Spirit distributes spiritual gifts to believers as He wills for the edification of the church. 1 Corinthians 6:19, 12:13; Ephesians 1:13; Titus 3:5; 1 Peter 1:2; 1 Corinthians 12:1-31

6. ROH KUDUS. Regenerasi, memperbaruhi, meninggikan. Berdiamnya, tetap, dalam

Kami percaya pada regenerasi itu, berdiamnya, penyegelan, dan menguduskan pekerjaan Roh Kudus, yang membaptis setiap orang percaya kedalam tubuh Kristus pada penerimaan tentang Tuhan Yesus Kristus sebagai Juru selamat. Roh Kudus mendistribusikan karunia rohani kepada orang percaya menurut kehendak-Nya untuk membangun gereja. 1 Korintus 6:19, 12:13; Efesus 1:13; Titus 3:5; 1 Petrus 1:2; 1 Korintus 12:1-31.

6. ABERINIKI.

Nit abet mbakwi nogo ti, aakumi inobaabut alik ngget ogobakkigike nogo ti, inalitak nen Yetut-Keretut ninake eeregerak nogo paga ninagap ndareegerak nogo, iniki oba panggombunuk Abet mbakwi iigak, ne ti eyom paga Aberiniki inikime mondok-mondok puk ari unggwage menggerak ti, nit abet aret mbako monggoorak.

7. SANCTIFICATION.

We believe the Christian’s sanctification begins at salvation, giving the capacity for holiness, but not eradicating his capacity for sin. Identification with Christ’s death and resurrection and dependence upon the Spirit’s power enable the believer to experience victory over sin. Romans 6-8; Galatians 5:16-24; Ephesians 4:21-24

7. PENGUDUSAN.

Kami percaya pengudusan orang Kristen dimulai pada saat keselamatan, memberikan kapasitas untuk kekudusan, tetapi tidak memberantas kapasitasnya untuk dosa. Identifikasi dengan kematian Kristus dan kebangkitan dan ketergantungan pada kuasa Roh Kudus memungkinkan orang percaya mengalami kemenangan atas dosa. Roma 6-8; Galatia 5:16-24; Efesus 4:21-24

Kapasitas, kekuatan = omaawi

7. KOORAK WONE

Nit abet mbakwi nogo ti, aakumi abu alik leenak Kristen mendek ogwe nogo eebe, iniki Yetut oba panggo mbunuk abet mbakwi iigak ti eyom paga, inagap ndake, inomaluk kooke, eeke menggerak. Ndi, inomaluk ti alom inom mondok-mondok kookelik-o. Ndi, ambi, At Yetut ninake kangge nagagerik, kanggo menggam nen Aberiniki omaawi paga eenik aa’nuk mi’nagagerak ti sebagai Jeminan niniki at paga panggonak ninomaawi alom ti aret abet mbako monggoorak-o.

8. CHURCH. GEREJA.

We believe in one universal church, embracing all who are united to Christ by saving faith and divine grace, and its expression in local communities of faith centered on Christ and the gospel. Two ordinances are enjoined by Christ upon all believers: baptism and the Lord’s Supper. Matthew 28:18-20; Luke 22:14-20; 1 Corinthians 1:2, 11:23-26

8. GEREJA.

Kami percaya pada satu gereja universal, merangkul semua orang yang bersatu dengan Kristus dengan iman yang menyelamatkan dan rahmat ilahi, dan ekspresinya dalam masyarakat setempat iman berpusat pada Kristus dan Injil. Dua peraturan yang diperintahkan oleh Kristus kepada semua orang percaya: baptisan dan Perjamuan Tuhan. Matius 28:18-20; Lukas 22:14-20; 1 Korintus 1:2, 11:23-26

8. ALA AWIWURIK.

Nit abet mbakwi nogo ti, Nit Ala apuri Gereja yi awi ndi awi kuwak eeko menggaarak nogo abok aret, Ninowe Yetut eebe ambiret ti paga mban aret kuwak eeko monggoorak-o. Ndi, ambi niniki lonik nogoti, Ala inom, Aput Yetut inom, Aberiniki inom inendage ambiret ti paga mban Abet mbakwi, Niyome wanggwi, Amburu nunggwi, eeko monggorak -o

9. ANGELS.

We believe in the existence of the holy angels, the personal existence of Satan and his demonic hosts. Though we wrestle with principalities and powers in spiritual ministry, victory is assured by Christ’s death on the cross. Job 1:6, 7; Luke 10:18; Colossians 2:15; Hebrews 1:6, 14

9. MALAIKAT

Kami percaya pada keberadaan malaikat-malaikat kudus, keberadaan pribadi Setan dan host setannya. Meskipun kita bergumul dengan pemerintah dan penguasa dalam pelayanan rohani, kemenangan terjamin oleh kematian Kristus di kayu salib. 01:06 Ayub, 7; Lukas 10:18; Kolose 2:15; Ibrani 1:6, 14

9. MALAIKAT.

Nit abet mbakwi nogo ti, Malaikat Ala ayonggo nogo menggaarak inom, it Malaikat maluk mendek Ibilit awuri nogo inom, ti wonogwe mban aret-o. togop aret kwe, nit Pelayanan Rohani paga eekwi niigak omaawi nogo ninoba pinangge menggerak. ndi, at Yetut eyo Karo-karo paga kangge logonet, yi omawi-ndi omaawi nogo abok aret at omaawi paga tebenogo pegereegerak.

10. ESCHATOLOGY.

We believe in the imminent coming of Christ to receive His church to Himself, and His premillennial and personal return to earth to establish His kingdom reign of peace and righteousness. We believe in the bodily resurrection of the just and the unjust, the everlasting blessedness of the saved and the everlasting conscious punishment of the lost. Matthew 24:30, 31, 42, 25:13; 1 Thessalonians 4:13-18, 5:2; Titus 2:13, 14; 2 Peter 3:9, 10; Revelation 19:11-21, 20:1-15

10. ILMU AKHIRAT

Kami percaya pada kedatangan Kristus yang sebentar untuk menerima Gereja-Nya untuk diri-Nya, dan pramilenial dan pribadi-Nya kembali ke bumi untuk mendirikan pemerintahan kerajaan-Nya perdamaian dan kebenaran. Kami percaya pada kebangkitan tubuh yang adil dan tidak adil, yang berkat kekal yang disimpan dan hukuman kekal sadar yang hilang. Matius 24:30, 31, 42, 25:13; 1 Tesalonika 4:13-18, 5:2; Titus 2:13, 14; 2 Petrus 3:9, 10; Wahyu 19:11-21, 20:1-15

10. AGE YOBOK PAGA EERIYAK WONE

Nit abet mbakwi nogo ti,

1. Yetut wage logonet, Nit abet mbakwi Gereja mendek nogo wa’niren ndugwi oolo paga pinani nagin abet mbakwi.

2. Tuju tahun abu eeppunuk, Iterali inowak looniyak nduk nggween paga wambi woraagun abet aret mbakwi.

3. Aakumi kambegwaarak nogo inowak looniyak nduk, ineenik mippiyaagin abet aret mbakwi.

4. Nit Ala apuri Abet mbakwi nogo, Ala nen ninawi ngget obeelom mendek wa’niragin abet aret mbakwi.

5. Aakumi abet mbaka’lek nogo inowak loonogo punuk, onggo inawi maluk me mondok-mdok logowak nduk, unde eeppiyagin abet aret mbako monggoorak.

11. SERVICE.

1 We believe that the “Great Commission” of our Lord Jesus Christ to give the gospel to every creature throughout the world is still incumbent on every believer and that the development of disciple-making communities among all nations is the essence of Jesus’ mandate to the church. We believe in the will, power and providence of God to meet our every need in His service. Matthew 6:33; Matthew 28:18-20; Acts 1:8; 2 Corinthians 9:6-8; Philippians 4:19

11. PELAYANAN

Kami percaya bahwa "Komisi Besar" dari Tuhan kita Yesus Kristus untuk memberikan Injil kepada segala makhluk di seluruh dunia masih kewajiban bagi setiap orang percaya dan bahwa pembangunan masyarakat pemuridan di antara semua bangsa adalah inti dari mandat Yesus untuk Gereja. Kami percaya pada kehendak, kekuasaan dan pemeliharaan Tuhan untuk memenuhi setiap kebutuhan kami dalam pelayanan-Nya. Matius 6:33; Matius 28:18-20; Kisah Para Rasul 1:8; 2 Korintus 9:6-8; Filipi 4:19

11. OBEELOM WONE YORANET NOGWE WONE

Nit abet mbakwi nogoti, At Yetut-Keretut eeke nagagerak obeelom wone nogo aakumi yi awi-ndi awi at oone waganggwi mendek eerogo piinet nogo logorak nduk, Surat Mandat pogum awone kiliriragaagerak. Ndi, ambi nogo ti, Nit Pelayanan eekwi niigak, Ala inikilom mbake, At omaawi alik nen eerit nage kagak, nit obeelom wone nogo wonok yi awi-ndi awi yoranet nogwe, eeko monggoorak-o.

Alkitab Lani wone (ALW)

Minggu, 04 Juni 2023

ALA UNDE 5

ALA UNDE 4

Yusman B ENumbi

Ev.Yusman B Enumbi